CARA LA MIA PUTELA...
Cara la mia putela benedeta,
tesoro dei tesori incantador,
ti ti xe del mio cuor la Regineta,
4el mio sogno, el mio spirito, el mio amor.
Co' baso el to' nasin, la to' bocheta,
Quei bei oci che sluse dal splendor,
co' struco al sen la to' testina inquieta
8un brivido me sento in tuto el cuor.
Lontan da ti, te vedo in ogni logo,
te sogno come stela in mezzo al çiel,
11come un picolo sol che me dà fogo;
El mio pensier, tesoro, no te scondo,
bela fata dai lavri de miel:
14co' ti mi son paron de tuto el mondo!
