E adesso che sarìa la primavera,
la più cara stagion de le stagion,
ch'el çielo da matina insin a sera
18xe sempre tanto belo e cocolon,
Adesso che ne l'aria e su la tera
gh'è un profumo che fa le sensazion,
che nel cuor e ne l'anema ghe impera
22l'amor e i sentimenti de passion,
Adesso tuto, tuto xe cambià:
su quel balcon de riose e de piteri
25no vedo più el viseto inamorà,
e senza la testina e i oci neri
el lilà me par morto, intisichio,
28el sol belo de magio scolorio.....
