Pagina:Sonetti fatti adesso da nevo da un de Sottoriva.djvu/11

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


AL DIO D'AMORO


Se ben, o Amoro, te m'è dà trimento,
     Tanto che air son vivo a mala pena:
     Ferime pur, sango de donna Lena
     4Te lago trar, no vei pì dirte gnento.
Farò versi in to laldo, e no me pento
     De dir chi in poesia m'ha dà la vena,
     Lè stà l'amor d'una fazza serena,
     8Che in poetaro m'ha fatto ardimento:
Ma d'una consa sola de despiaso,
     Che in t'un'amor sencero com'è 'l me
     11An le vesine ghe vel metro el naso:
Pur che le possa lor ste xagurè
     Taccar guerra ond'è amoro, ond'è la paso,
     14No le vel'altro: fussele appicchè:
                    Perche ste tale, giè
Certe razze, che ten sotto à la melo
17El medego maistro, con la felo.
                    Al fango de Faselo,
Se me metto a finchar tirarò zò
20Del mazadego, ossù basta, no 'l sò,
                    Ho tasu infina mò,
A la fè sta mia penna ha la broina
23De scriverghene alman na sessantina
                    De sta zento cagnina,
Perzò provedi amoro, mi tel digo,
26Se no de versi ghe molarò el figo
                    (Son pur ancha to amigo)
Manda in mal'hora ste generatione,
29Che no sta ben le triste in fra le bone.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Sonetti_fatti_adesso_da_nevo_da_un_de_Sottoriva.djvu/11&oldid=65294"