gl'Italiani) sono ben contento di poterla riprodurre qui di gran lunga migliorata:
Amor, vivemo tra la gata e i stizzi
In t'una Cà a pe pian
(E no vedo però che ti te agrizzi)
Dove e la lume e 'l pan
Stà tuto in t'un, la roca, i drapi e'l vin,
La vechia e le fassine,
I puti e le galine,
E mezo el cavezzal soto el camin,
Dove, tacà a un anzin
Gh'è, in muodo de trofeo,
La fersora, una scufia e la graela,
La zuca da l'asèo,
El cesto e la sportèla;
E 'l leto fato d'alega e de stopa;
Cussì avalio che i pulesi se intopa.
In pe d'un papagà se arlieva un'oca,
In pe d'un cagnoleto
Gh'è un porcheto zentil che basa in boca,
Vezzoso animaleto,
Soave compagnia, dolce concerto!
L'oca, la gata, e tuti,
La vechia, el porco, i puti
Le galine, el mi' amor sot'un coverto,
Ma in cento parte averto,
Onde la Luna e 'l Sol
Fa tanto pi' la casa aliegra e chiara
