Fà veder, che i mali
Nò i xè sempre eguali,
Che i scòre, e che al pessimo
Ghe vien drio, de tiro
48QUal còssa de bon;
Ma nù, co' andaremo
Là in fondo d'Averno
A star in eterno
Co Enèa, Tùlo e Marzïo,1
Gnente altro saremo
54Che un'ombra, che un fià.
Chi sa! se dal Cielo
A i zorni passài
Ne vegna acordài
De i altri, o pur l'ultimo
Soltanto sia quèlo
60Che stà per finir!
Se a mi ti me credi,
Me par, mio Torquato,
Ch'el spender da mato
Sia mal; ma, da bestïa,
A i avidi eredi
66El tùto lassar.
Riflèti a sto mondo,
Che quando Minòsse
(Che sà le to' cosse)
Dirà quel gran giudice:
Và là nel profondo,
72Mai più se vien quà;
Nè giova in alòra
El dir: so' stà dòto,
- ↑ Tulio Ostilio xè stà el terzo re de Roma. Anco Marzio, el quarto.
