Pagina:Serie degli scritti impressi in dialetto veneziano.djvu/255

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Qual sarà 'l to' destin, qual el mio termine,
Come, una volta, i fava in Babilonïa.1
5Xè molto megio, e quanto megio!, credime,
L'adatarse e sofrir quel che ne capita,
Sia che de i molti inverni Giove el Massimo
Ne vògia quà lassar, sia ch'el sia l'ultimo
Questo, che spenze el mar toscan con furia
10Contra quei scogi a indebolirli e a franzerli.
Sii savia, trà del vin, ma del più limpido,
E fà ch'el to' sperar no sia longhissimo,
Posto ch'el viver xè cussì curtissimo!
E in fati: Nù parlemo, e lù, via subito;
15Donca el presente brinca, e al dì che seguita
No ghe pensar, nè staghe gnente a crederghe.


Epodo X. Libro V.

Mala soluta navis exit alite
Ferens olentem Maevium.


A MEVIO POETA

Desiderando ch'el se nega per viazo.


Co gran mal augurïo,
    Cargà su una nave,
    Quel Mevio poeta,
    Che spuzza che infèta,
    5L'è là per partir.

  1. I Babilonesi giera assae dediti a la strologìa.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Serie_degli_scritti_impressi_in_dialetto_veneziano.djvu/255&oldid=61499"