Emma (entrando). Mama...
Ter. Cossa gh'è?
Emma. La varda che xe qua siora Giovana. La go vista dal balcon che la passava el ponte.
Ter. Sì, go dito mi che la vegna. L'altro giorno s'avemo incontrà a messa, e la m'à dito che la gavaria voludo parlarme.
Emma. E no saria stà megio che inveçe de vegnir qua, la fusse andada là ela?
Ter. Che mal te fala?
Emma. Oh! a mi gnente... ma dubito che Marcelo torna a casa, e la sà ben che a lu ghe susta de trovarla.
Ter. Za, a sto mondo chi ga da dar ga da aver.... Mi no sò capir cossa ch'el pretenda.
Emma. No, mama, no la me diga de ste robe; la sa ben che lu no se lagna mai; solamente me par che co' el vede specialmente siora Giovana, el se meta de cativo umor.
Ter. Ben, ben... ti no starte afanar, chè se la capi-
