Pagina:Saggio di canti popolari veronesi.djvu/65

Chiara-Stella— O Romanela, no voi più cantare,

     Ve recordêu che m'avì trato in mare?;
Che era in t'el giardin che spasseggiava,
     Le calze del mio ben le ricamava;
Le ricamava in fra la piova e el vento,
     Tre righe d'oro e una de argento;
Le ricamava in fra la piova e el sole

     Tre righe d'oro e una di amore. —

96.*

— E la mia mama l'è vechiarela,
     Su ben bonora me fà levar;
E la me mete i seci a spale,
     A la fontana la me fà andar. —
— Andove andêu, bela fantina,
     Sola, solina per la rosà?. —¹
— E me ne vado a la fontana,
     Che la mia mama me ghà mandà. —
E quan' la fusse a meza strada
     La se riscontra d'un giovenin.
— Andòve andêu, bela fantina,
     Sola, solina per la rosà?. —
— E me ne vado a la fontana,
     Che la mia mama me ghà mandà. —
— El primo secio che tirè suzo
     Date da bevar al mìo caval. —
— Eco el caval à mangià e bevuto,
     Gavìo qualcosa de darme a mi?. —
— Zento ducati ve voglio dar,
     Solo una note a star con vu.
Domanda pure a la tua mama
     S'ela la vole mi vegnarò. —
— E vaghe, vaghe, la mia filiuola,
     Che i sarà boni da maridar;
Che ghe daremo ’na tal bevanda
     Tuta la note lu el dormirà. —
Tuta la note el dorme, el dorme,
     No el se ricorda più de l'amor.

1. Rosà o rosada: guazza, rugiada. —