L'amor l'è fato come un graspo d'ua,
Che a poco a poco la se và maurando;
Così farò con ti, beca fotua,1
Che a poco a poco te andarò lasciando.
Togneto belo è nerrata corrige originale camara ch'el pianze,
Le lagrime ch'el fà le buta sangue;
Le buta sangue e le ghe và par tera,
Portèghe remission, Rosina bela.
La me morosa stà de là dai ponti,2
La m'à voltà le spale a tuti i conti;
La m'à voltà le spale e anca i calcagni,
A far l'amor se fà de sti guadagni.
Pute, no fè l'amor ai ciucia-gropi,
Che vinti soldi al dì jè massa pochi;
Piutosto fè l'amor ai damascari,
Che trenta soldi al dì ve sarà cari.3
Se fusse un oseleto con le ale
Vorìa sgolar sul Ponte de le Nave:
Vorìa sgolar su quela finestrela
Andove dorme la Rosina bela.
- ↑ Beca-fotua: birba matricolata, guidona, bigerognola.
- ↑ Pei non veronesi accennarò che l'Adige scorre frammezzo Verona dividendola in due parti quasi uguali per superficie, e che sono poi legate fra loro da magnifici ponti marmorei sopra i quali si godono panorami di sempre nova e maravigliosa bellezza.
- ↑ Ciucia-gropi, filatojaj, damascàri tessitori.
