Carolina
(si guarda attorno smarrita, scoppia in pianto cadendo sopra una sedia)
Aida (guardandola e ridendo)
La pianze! Che sempia!
Orsolina (dandole uno scapaccione)
Sempia ti! (alla Carolina carezzevole) Pianzi, cara, pianzi pur, che me piase vederte pianzer perchè cussì te me fa conosser che ti ga cuor. (Carolina piange forte) Ma senza criori. (Carolina soffoca le lagrime) E pò, cara la mia putela, bisogna ragionar a sto mondo! Infin dei conti pò la Rosa no la xe andada in America. (arrabbiandosi) Oh, finimola pò: tuto quanto ga da aver un limite e anca el pianzotar. El signor De Nobile nol vien!
Aida
Nol vien più, no!
Orsolina
Megio! Andaremo nualtre sole a la rivista. (alla Carolina) Vien co mi. Te insegnarò a vestirme, e per ti, intanto, la sarà una distrazion! (via con Carolina).
