Pagina:Rime pescatorie.djvu/7

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


S O N E T T I.
N
o ve maravegiè cari Signori,

    Si son intrao à far sta bizzarria,
    Che per no dirve ponto di busia,
    4Vedo che 'l mondo vuol de sti saori
So che dirà certi compositori,
    Che son vergogna a Dona Poesia;
    Ma se i savesse la mia fantasia,
    8I sarave i mie primi deffensori.
Me par ch'ognun pol far del so cervelo;
    Zo che ghe piaxe al sagramento mio,
    11E chi nol crede, si vaga al bordelo,
L'è pezzo haver el lavezzo schachio,
    E le calze fruae, con el mantelo,
    14Cha far el grando dottorao a Lio.


Si havesse bevuo in Helicona,
    E manzao de l'herbe de Pernaso,
    O che alle Muse havesse dao del naso;
    4No sarave trattao da una pipona.
Mo sil piasesse al putto de Latona,
    Che cavalcasse sora del Pegasa;
    Farave dir de mi, onde che taso,
    8Infina che Minerva me spirona.
Perche si ben e son dalla contrae,
    Nassuo infra canestri, ree, e treziole;
    11So far d'un pan tre fette, e do panae.
Altro ghe vuol, cha centure, e parole,
    A farsi tegnir savij in veritae,
    14Se no se par da Mascare Verole.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/7&oldid=55861"