Pagina:Rime pescatorie.djvu/66

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Son Nicheto da Chioza fo de Ferigo,
     Che per di vilania a un Poveioto,
     L'aspetete, che vene un gran caligo,
     E me saltete lu, e un so frar zoto,
     E tante i me ne dè con un costrao,
     Che romagniti in secco senza fiao,
     Mio barba con honor m'ha sepelio,
     Perche i son sta meio, cha un so fio.

Cari brighenti, e son da Malamocho,
     Che per desperation, e andì a pescà;
     Onde saltete un vento da Sirocho
     E per no haver timon me roversà,
     Si che la gran Fortuna m'ha anegà,
     E per hanor del nostro parentao,
     Son qua drento a coerto in sagrao.

Me arecomando amisi, con parenti,
     Son quà Dio me perdona i mie peccai,
     Ve priego tutti quanti i ben voienti,
     Che mi Gieruolemeto aventurai,
     Sia cavao presto del rio purgatorio,
     Con le vostre oracio per aiutorio.

Fitto in sta cassa, e son olto da terra
     Fifolo braghetin, homo valente,
     Che sempre con pesce feva guerra,
     A l'ultimo aghetando l'ostregher,
     Me smachì el corpo fora d'un sponter,
     Morì contento per no haver muier.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/66&oldid=56099"