PENTIMENTO D'UNA CIECA CREDENZA.
SONETTO
Se credesse, Signor, che ghe pensessi,
Che me pentissa del chiavar, ch'hò fato,
E che me l'ascrivessi a gran misfato,
4In mi un gran pentimento vedaressi;
Ma no credo, che vù fè sti rifflessi,
Che no badè alle cose del creato,
Che come per Natura sè beato
8No ghe podè badar, s'anca volessi;
Donca, come redur possio la mente
A rassegnarse a un vero pentimento,
11Co sò, che vù no ghe ne pensè gnente?
Piuttosto ancuò de vero cuor me pento
D'aver credesto un zorno ciecamente,
14Che s'offendesse un Dìo coll'andar drento.
