INUTILITÀ DELLA REDENZIONE.
SONETTO
Quando lezo sul nuovo Testamento,
Che'l Creator xe disceso alle Creature,
E che col misto delle do Nature
4Tutto'l genere uman là gà redento.
Mi, che de far la guerra no me sento
Alla Divinità delle Scritture,
Come fà ste moderne cargadure,
8Sbasso la testa, e ammiro'l gran portento.
Ma quando pò riffletto, che se vede,
E che s'hà visto i Omeni a millioni
11Tegnir varie opinion circa la fede;
Signor, quei vostri scritti sarà boni,
Ma, co tanti ghe xe, ch'in vù no crede,
14N'avè redento tutti in t'i cogioni.
