VERA SEDE DE DIO.
SONETTO
Dove, che staga Dìo, a contemplando
Mi vago a parte a parte 'l Mondo tutto,
Vardo, se'l sia in tel fior, se'l sia in tel frutto,
4O sora 'l Mar el vaga spassizando,
Se frà i spazzj dell'Aria 'l và vagando,
Se'l sia in te l'Omo, oppur el sia nel Brutto,
S'in tel umido 'l sia, se 'l sia nel sutto,
8A tutto quel, che vedo, ghe domando.
Domando al Sol, ch'illumina la zente,
Ghe domando alla Luna inarzentada,
11E a tante Stelle, ma gnessun sà gnente;
Ma mi credo d'averla indovinada:
No xe felice Dìo perfettamente?
14Co l'è cussì, lù stà in te la sborada.
