DIALOGO RELATIVO AI FRATI.
SONETTO
Laura cosa te par dell'Anzoletta
Dopo, che con quel Frate l'è taccada?
Ella xe ben vestìa, meggio calzada,
4E un de sti dì la mette sù veletta.
Anca mi, quando giera zovenetta,
M'arrecordo, che zovene son stada
Ben vestìa, ben passua, meggio palpada,
8Coi Frati no son stà mai poveretta.
Come fali a star saldi a sto bordello
Grassi, co è porchi, co tanto de panza?
11Cussì ti disi? No ti gà cervello,
Perchè la Messa sola, e la piattanza,
Ch'i robba, a lassar fuora 'l so livello,
14Ghe mantien la puttana, e ghe n'avvanza.
