NON SÀ, S'ABBIA DA LASSAR EL CIEL PER EL CULO.
SONETTO
Dicearco, Asclepiade, Epicuro,
Diogene, Galen, Socrate, Orazio,
Lucian, Lucrezio, e Papa Bonifazio,
4Ch'hà messo el sommo ben nel Cazzo duro,
No poderìa esibirme, ve lo zuro,
Gusto, del qual no ghe ne sia zà sazio,
E, se no me soccorre Sant'Ignazio,
8Resto, per Dìo, de tutti i gusti a scuro.
Digo, che vorrìa farme Gesuita,
E al mio indolente, e semivivo Oselo
11Dar cussì niovo senso, e niova vita;
Ma un scrupolo me vien per el Cervelo,
No sò; se sia da bestia fatta, e dita,
14Per el buso del Cul lassar el Cielo.
