Pagina:Raccolta universale delle opere di Giorgio Baffo 3.djvu/95

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LODA EL RE DE PRUSSIA, E LA N. D. DOLFINA.


SONETTO


In Cielo Marte, e Amor s'hà messo al ponto
    De far ognun de lori 'na fattura,
    Che sia l'onor de tutta la Natura,
    4Nè ghe sia chi ghe possa far confronto;

Marte de far un Omo hà fatto conto,
    Ma d'una tempra cussì forte, e dura,
    Ch'al freddo 'l staga saldo, e alla caldura,
    8E sempre 'l sia al combatter presto, e pronto.

Amor hà dito, e mi farò 'na Dona,
    Che sempre co la parla, e co la tase,
    11La delizia la sìa d'ogni persona.

Questi quà xe quei do, ch'al Mondo piase;
    Saveu ch'i xe? Zà 'l nome soo rissona;
    14El Prusso in guera, e la Dolfina in pase.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_3.djvu/95&oldid=60815"