ALLO STESSO RÈ DE PRUSSIA.
SONETTO
No se puol dir, che 'l Re Prussian no sìa
Un Omo, ch'hà sortìo talenti rari,
Del so saver gavemo i segni chiari
4Tanto in leze, che in musica, e poesìa.
El fà tutto con arte, e con maestrìa,
E in guerregiar no ghe xe pò un so pari;
L'hà fatto delle cose singolari,
8Lo sà la Franza, Russia, e l'Ongarìa.
Tutto quel, che volè; l'hà 'na gran mente,
Nol merita una nò, ma più corone;
11Ma, co nol fà l'amor, nol stimo gnente,
Perchè osservo, che tutte le persone,
Che per le Donne dell'amor no sente,
14Per el più le xe razze buzarone.
