L'AUTORE SÀ BEN VIVER SENZA PREDICHE.
SONETTO
Senza, che mi me porta alla lezion
De quel gran dotto Padre Ganassoni,
E che a seccar me vada là i cogioni,
4Sò quel, che s'hà da far per esser bon.
Esser onesto in tutte le occasion,
Non offender con arme, o con bastoni,
I Omeni, per quanto i sia baroni,
8E dar a tutti 'l soo, co i gà rason.
Mi tutte ste tre cose sò de far,
A chi se sia mi no ghe dago impazzo,
11Nè 'l prossimo me piase cogionar.
Con onestà me tiogo ogni solazzo,
E, perchè a tutti el soo se gà da dar,
14Mi per questo alla Donna dago el Cazzo.
