Amigo, voi contarve in t'un Sonetto
La mia gran bella vita buzarada,
Tutta la notte vado per la strada,
4Ma vado per tastar qualche Culetto.
Se urto a caso in qualche bel caetto
Ghe dago la mia bona calumada,
Se la vedo a star salda in carrizada,
8All'Osto, o in qualche Malva ghe lo metto;
Ma prima, che mi fassa sto strambotto,
Mi voggio un poco el Cul, che la me licca,
11Oppur, che la me sona de subiotto;
Dopo in mezzo alle gambe el se ghe ficca,
Oppur el se ghe mette in tel Daotto,
14E cussì, caro Amigo, se la sticca.
