Pagina:Raccolta universale delle opere di Giorgio Baffo 3.djvu/210

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


AD UNA, CHE TEGNIVA EL PETTO COVERTO.


SONETTO


Che moda buzarada, che xe quella,
    Ch'hà introdotto ste Donne al dì d'ancuo
    De no voler andar col petto nuo,
    4E sì la xe 'na parte cussì bella.errata corrige originale

Quella, che no ghe n'hà, gà rason ella,
    Come quella, ch'un zorno ghe n'hà buo,
    E ch'andà le ghe xe zò tutt'in bruo,
    8Questa fà ben metterghe sù la tella.

Ma vù, cara parona, che gavè
    Do tette belle, e fresche, come riose,
    11Che fà cascar el cuor, co le mostrè,

Perchè voleu portarle respettose?
    Anemo, quelle pezze via buttè,
    14Salvele per le parti vergognose.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_3.djvu/210&oldid=60715"