PARALELLO TRÀ L'OMO, E L'ANEMALE.
SONETTO
L'Omo se stima assae generalmente
Per causa del so lume de rason,
E mi giusto per questo da cogion,
4A dir el vero, no lo stimo gnente.
Le bestie stimo più infinitamente,
Che, se no le gà tanta cognizion,
No le gà gnanca tante gran passion,
8E le vive de nù più quietamente.
Per una cosa sola no vorrìa
Esser un Anemal, ma per i tanti
11Altri beni, ch'i gà, me scambierìa;
E la xe questa; perchè tutti quanti
Fuora de tempo mai no i chiaverìa,
14E perchè no i sà nome andar davanti.
