L'AUTORE S'IMPESTA.
SONETTO
Cosa voleu? Ghe digo un dì a 'na Dona,
Che da un balcon la me tendea a chiamar;
Ella risponde, me voi far chiavar,
4Perchè adesso me spizza assae la Mona.
Mi ghe dago un'occhiada a sta parona,
Credendo la volesse cogionar,
Ma sento, che la torna a replicar;
8Vegnì avanti; credeu; che ve cogiona?
Digo la verità; m'ha piasso 'l muso,
Son andà drento, e in letto l'hò colgà,
11E senz'altro pensar ghe 'l paro suso,
Ma maledetto, co la gò chiavà,
Perchè sta buzarona da quel buso
14Un Diavolo de peste m'ha pettà.
