DAFNE CANGIADA IN PIANTA.
SONETTO
Apollo inamorà quanto xe un can
De Dafne, che da lù giera scapada,
Drìo el ghe xe corso col so Cazzo in man
4Per darghe una magnifica chiavada;
Ma vedendola tanto da lontan,
E de no poder far 'na buzarada,
Come, che 'l giera un Omo sovrauman;
8In t'una bella pianta el l'hà cambiada.
Mi lo stimo da stolida persona,
Sto bel ripiego da pettar sul toni
11Xe una risoluzione molto cogiona;
Che, se sto sior fornìo de rari doni
Cangiava siora Dafne in una Mona,
14El consolava el Cazzo, e i so cogioni.
