SENTENZA CONTRO L'INFEDELTÀ CONGIUGALE.
SONETTO
Amor, questa è una Donna, che al Marìo
Gà fatto i corni senza aver pensier
D' aver el letto marital tradìo
4Contro ogni leze, e contro ogni dover;
Amor, questo è un Marìo, ch'a so Mugier
Gà ridotto la fede a mal partìo,
Perchè ogni zorno el chiava a più poder;
8E tutte el cerca, e a tutte el ghe dà drìo;
Amor, sentendo la bestial condotta
De sti do delinquenti in Criminal,
11La sentenza final gà scritto in botta:
Pari la pena d'un delitto egual;
Che alla Mugier ghe sia brusà la Potta;
14E che al Marìo ghe sia tagià el Cotal.
