PER UNA BARUFFA TRÀ DONNE.
SONETTO
Do Donne fà baruffa, e se strapazza;
Una infuriada corre col cortello,
L'altra no se fà star, e giusto in quello
4Con una grattacasa la manazza,
I colpi la repara da bravazza,
La desarma la nemiga in Campiello;
Le cottole gh'alza, e in sto duello
8Ghe dise; chi me tien, che no te mazza!
Lassar te voggio un segno, e no son fiera,
Grattar te voi le parti sensitive;
11E in furia gà grattà la Frisolera.
Pensa con gran rason quello, che scrive,
Che, co la l'hà grattada in sta maniera,
14No la ghe pizza più sin, che la vive.
