ALLE MEDESIME.
SONETTO
Zonto a Venezia el Duca, tutte quante
Ste Dame le s'hà messo in allegrìa,
E per più comparir le hà tratto vìa
4Delle lire Sterline tante, e tante.
Le gà studià dal cao fin alle piante
D'abbellirse con pompa, e bizzarìa
Per scaldarghe cussì la fantasìa,
8E vederlo ai so piè tutto cascante.
Curiosa la Città chì fusse quella
Frà quelle, che compone 'l Concistoro;
11Che a sto Eroe ghe paresse la più bella,
L'hà visto alfin in tel zirar del coro
Delle Deità, qual Venere novella,
14E 'l gà dà alla Zaguri el pomo d'oro.
