SULLO STESSO ARGOMENTO.
SONETTO
Ghè de quei, che se vanta, e fà schiamazzo,
Che i gà bù una Regina per parente,
Mi hò bù un'Imperatrice dell'Oriente,
4Ma de st'onor no ghe ne penso un Cazzo.
La mia de più la gà fatto un ragazzo,
Dal qual discende l'Ottomana zente,
Gnanca de questo no ghe penso gnente,
8Perchè un gusto el me par da visdecazzo.
Mi penso, che i Sultani sia all'oscuro,
Ch'elli discende dalla mia casada,
11Ma, ch'i lo sappia, gnente me n'incuro:
Mi poderave, è vero, far la strada,
Ma come, che son vecchio, son seguro,
14Che gnanca no i me dà 'na buzarada.
