SULLO STESSO ARGOMENTO
SONETTO
Mondo beccofottù, buzaradazzo,
Mi te gò in Culo, e vago a farme Frate,
Feve pur buzarar in le culate,
4Puttane mie, no ghe ne penso un Cazzo.
Mone alla larga, tutte quante a mazzo
Ve le podè salar, Pottiffe amate,
Ho rotto ai zorni mii cento pignate,
8Per Dio, son stuffo, e più no me n'impazzo.
Scondo le iniquità sotto 'l Capuzzo,
Che no gò più calor per chiavar Potte,
11E i scolamenti m'ha redotto un struzzo;
La gran peste m'hà fin le meole cotte,
Del gran chiavar l'Osello è fatto guzzo,
14Solamente xe intiere le ballotte.
