LA CAZZA DEL PULESE
SONETTO
Ho visto l'altro di 'na bella Dona
A tirarse sù in pressa le carpette,
E vedo colla man, che la se mette
4Un pulese a chiapparse sulla Mona.
Ho dito trà de mi, Dìo me 'l perdona,
Ghe podessio toccar quelle cossette,
Che ghe vorrìa col Cazzo trar in fette
8Quel pulese gran razza buzarona;
Siben, che a lù ghe son molto obbligà,
Perchè per causa soa in quel momento
11Ho visto quel no m'averia pensà.
No sò, se più sia stà el mio contento,
Oppur la pena, che mi gò provà,
14Dalla voggia de metterghelo drento.
