Pagina:Raccolta universale delle opere di Giorgio Baffo 1.djvu/298

Mi gò sospetto, che là drento un vaso
    Ghe sia pien d'oro, e un balsamo prezioso;
    30Che no la vuol, che mi ghe metta el naso;

V'assicuro, che son assae curioso
    De saver quel negozio, e no capisso,
    33Perchè in questo la gà del misterioso

Tanto, e tanto però molto gradisso
    Quejlo, che la me fà, e ben chiamar
    36Me posso fortunà, co no falisso;

Ve digo ben, che mi del negoziar
    Mai tanto le regole hò imparà,
    39Quanto, che co sta Donna a praticar.

Del vero trafficar la m'hà insegnà
    El modo, che bisogna i primi zorni
    42Far boni patti, ma con civiltà;