NO GHÈ PIÙ BELLA VISTA DELLA MONA.
SONETTO
Xe certo un bel veder i drappi d'oro,
I galloni, i ricami sopra fini,
Xe un bel veder un sacco de Zecchini,
4Xe un bel veder le zogie del tesoro;
Xe un bel veder el Dose in bucintoro,
I palazzi de marmi scielti, e fini,
Le statue nelle sale, e nei zardini,
8Xe un bel veder el Papa in concistoro.
Xe un bel veder le Collinette amene,
Xe un bel veder ballar, quando, che i sona,
11Nei teatri xe un bel veder le scene;
Xe un bel veder un Rè, co i lo incorona,
Un'armada, che in Mar và a vele piene,
14Ma sora tutto è un bel veder la Mona.
