Pagina:Raccolta universale delle opere di Giorgio Baffo 1.djvu/284

I trova la so chizza per la strada,
    E i ghe dà la so gran bona chiavada,
                    63E gnessun no ghe bada;

I và drento quà, e là per ogni banda,
    Nè el Papa, nè gnessun no ghe comanda;
                    66Questa xe grazia granda.

Nù, se volemo metterghelo drento,
    Ghe vuol del matrimonio el complimento.
                    69Sto bel divertimento,

Che la Natura semplice n'hà fatto,
    I ne l'hà rovinà co sto contratto.
                    72L'Omo se vuol desfatto,

Perchè è quanto piccarlo per la gola
    Voler, che 'l tegna quella Donna sola;
                    75Se n'altra ghe fà gola