LE DONNE DE GIUDIZIO NO BADA ALL'ONOR
SONETTO
Che gran cogionarìa, che xe sto onor,
Che le Donne fà tanto capital,
A mi me par, che chi è stà l'Inventor
4Sia stà un gran solennissimo coccal.
No bastava alla Donna el so rossor,
Senza metterghe in testa un altro mal?
Bisogna, che costù fusse d'un cuor,
8Che vuol, che l'Omo metta el Cazzo in sal.
L'hà fatto sto boccon de pregiudizio,
Che alla Donna, ch'è fatta per chiavar,
11Gnanca se puol toccarghe quel servizio.
Podevelo de pezzo al Mondo far?
Siben, che quelle Donne, che hà giudizio,
14Manda l'onor a farse buzarar.
