Pagina:Raccolta universale delle opere di Giorgio Baffo 1.djvu/118

Sta pagina la xe stà trascrita, ma la gà ancora da vegner rileta.

No tememo mai per questo,
    Co'l se sfoga, che'l ne lassa,
    Ma speremo, che ben presto
    64El cervel ghe torna in cassa;

E che lù spontaneamente
    El se butta in zenocchion,
    E che'l pianza veramente
    68Domandandone perdon.

Quanti vien per far l'amor,
    Mai gnessun s'hà da sprezzar,
    Che cussì no s'hà timor
    72Un dì sole de restar;

Sarà ben, che ghe sia in lista
    Frà sti amanti dei Poeti,
    Ch'i me metta al Mondo in vista
    76Coi so celebri Sonetti;