Pagina:Raccolta poesie veneziane dell'autore dei Capricci poetici nello stesso dialetto 1.djvu/18

Dal ventre profondissimo
     D'una montagna fora
     Mi son sortia, ma l'opara
     No è stada natural

E primo a descoverzerme
     Xe sta el Mercurio allora, ¹
     Cussì ho provà un specifico
     Prima che avesse el mal,

El parto è sta dificile
     Nè so vegnuda al mondo,
     Che a colpi potentissimi
     De pico, e de badil.

Ho avudo el mio battesimo
     Da un chimico profondo
     Come che xe la regola
     Logada in corisiol:

E fatta oro purissimo
     A Genova i m'ha spedio
     I m'ha ridotto un tondolo
     Più bello assae del Sol.

1. È noto l'uso del Mercurio nelle Miniere.