ELETTI NOBILI VENEZIANI
Oh siestu maledeti sti Mussati!
Butève là sul leto un pochetin,
Apena chiapè sono, eco el violin,
4E po' la becadina su i cassati.
Sul muso, su la schena, senza pati
I ve salta, e i ve torna con morbin;
Ve dè dei sculazzoni da sassin;
8Se falè el colpo, i torna co sti ati.
Coverzìve pur quanto che volè,
Che se no i pol far altro i beca i pani
11E i ve ruza aciò el sono vu perdè;
Ma da qua avanti, stimo, che a sti cani
Bisognerà che le ferìe basè;
14Zentilomini i è fati Veneziani!
Dal so Piovan xe andada un dì una Puta
Vicina a farse sposa
Aciò el ghe diga la Messa de Maria.
El Piovan gh'à risposto: A pian, sta cosa;
5Qua bisogna parlarme schietamente
Come se fussi al Confessor presente,
Se vu se' Puta
La Madona ve agiuta,
Ma se Puta no se'
10Drento l'ano crepè;
Perchè po no suceda sta Tragedia
De la gran Madalena
Co la Messa in ancuo se ghe remedia;
Parlè senza raziri...
15La Puta qua ga trato dei sospiri;
E po l'à dito: Sior Piovan la diga...,
La diga pur la Messa...
La Messa ... de Maria. Oh Dio, che pena!
Ma con un poco de la Madalena.
DEL PROCURATOR CALBO
Un Grego, vero citadin d'Atene,
Benemerito assae de la so' Patria,
In fin de la so' età
Da savio el s'à tirà
5A finir la so' vita
In t'un Casin de l'Atica campagna,
Aspetando da forte al fin la morte.
Dopo diversi ani
D'una vita beata, un mal de peto
10L'à ridoto moriente. Intorno al leto
Un dì l'aveva i Grandi de la Grecia,
(Come che qua in Venezia
Ga la Camera piena
Dei talenti bronzini aristocratici
15Un nostro Senator
Quando el sbotega, el mor,
Ma un Senator de queli,
De queli che un dì à fato
Gran barufe in Senato,
20E che à parlà set'ore in un Pregai,
Guadagnandose in Patria un'opinion
De Demostene, Aristide, o Focion)
Ora sto Grego invito
L'à dito: Zito zito,
25Coleghi, amici cari,
Moro, ma prima ve lasso un Ricordo:
Moro contento e del mio fin son pago
Se scolpir lo farè ne l'areopago.
El Ricordo xe questo:
30«Quando che una Republica
Sta ben quanto che basta
No ghe tetè in tel cul che la se guasta.»
ALL'AMICO LIARCA.
Quando Roma pensava
A un Mimo, a un Saltador, a un Istrion
Roma alora l'andava a tombolon,
E l'Impero in tochi, in pezzi, in stele.
5Venezia ancuo a le Stele
