Pagina:Pronostici e versi di Camillo Nalin 3.djvu/334

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


O quel d'un bo;
Mi che una lengua go
Longa ma schieta,
665Lassando da una parte
El linguagio busiaro del poeta
E avendo in odio Marte,
In tel (se me perdona)
Preterito Belona
670Co tuti de presenza
Quei stolti che ghe piase
La guera a preferenza
De la pase,
Trovo, se ò da parlar candidamente,
675Che sti nostri bravissimi antenati
In un grado eminente
I gera mati;
Mati sì, mati veri da baston,
De andarse a mastruzzar senza rason;
680E trovo che de lori
L'abia megio pensada i sucessori
Co l'aver mandà a monte sto dileto,
El qual, no se burlemo,
Ga assae del maledeto,
685E più se rifletemo
Che alfin ze veneziani
I Nicoloti e anca i Castelani.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/334&oldid=64345"