185E più se se pol dir
De la saeta,
Che la se fa sentir
Qualche secondo dopo che la peta,
I nostri patrii eroi,
190Che al dito de le carte
Gera la magior parte
Barcarioi,
E fachini e becheri,
E una masnada
195De zente dedicada
A dei mistieri
Che fusse su sto tagio,
Purchè de bel'aspeto,
De forza e de coragio;
200Più presti, lo ripeto,
De quel che mi lo digo,
Da la rabia furenti
Tuti ghe salta adosso al so nemigo,
E senza complimenti
205Al primo simiton
Patatin, pataton,
Da orbi lavorando,
Ognun dal proprio canto
Pugni va refilando
210Da ogio santo;
E sicome lo sà chi ze proveto,
Che nela confusion
