Che alfin dei calcoli
Se go falà,
Amar un anzolo
160Ze 'l mio pecà,
Che... ma qua termino;
Perchè me sento
Deboto vitima
164Del sentimento;
Me oprime un palpito
Drento del peto,
No ga più regola
168El mio inteleto,
La man me tremola,
Scrivo a gran stenti,
Scrivo co l'animo
172Pien de tormenti;
Cate! perdonime,
Te lo ripeto
Sto iresistibile
176Sfogo d'afeto,
E se ai mii spasemi
Sorda ti è ancora,
Almanco tolera
180Che mi te adora.
