E sarave per scometerghe.
Che sto logo restarà,
Se i batochi no se libera,
104Assae presto spopolà.
A Cassago i gera soliti
Sbatochiarse sin a sera,
E a sta strana metamorfosi
108Tutiquanti se dispera;
Tante tose, tante femene,
Che ze ancora fresche e sane,
De continuo le desidera,
112Che i ghe sona le campane,
Co la vista esemplarissima
De portarse a le funzion,
A sentir un fià de predica,
116A dir su le so orazion;
E sicome qua i relogi
A sonar no se li sente,
Le campane ze anca utili
120Per dar regola a la zente:
Ze le done smaniosissime,
Le ne dise tuto el zorno:
«Co el batochio no va in opera
124No se pol più far un corno,
No gh'è norma imaginabile.
E de tanta privazion
Per nualtre miserabili
128No se dà sostituzion:
Pagina:Pronostici e versi di Camillo Nalin 3.djvu/192
Inpostasion de letura
![](http://upload.wikimedia.org/wikipedia/commons/thumb/2/2e/Pronostici_e_versi_di_Camillo_Nalin_3.djvu/page192-1024px-Pronostici_e_versi_di_Camillo_Nalin_3.djvu.jpg)