Pagina:Pronostici e versi di Camillo Nalin 3.djvu/116

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Contento el berechin
     De aver condoto a fin
     Col più felice efeto
     El so tristo progeto,
     160Andando co sta trufa
     Mile lire de debito a pagar,
     E mile a iscarselar
     Senza la fufa,
     Che causa l'omission
     165Del dì de l'estinzion
     Sia in caso Pulesin de farghe i ati,
     E col proponimento da birbante
     De no vegnir a pati,
     Ma de farghele fora tutequante.
170L'ano gera passà,
     Passà un bel toco,
     E no avendo più visto Supegà,
     El povaro marzoco
     Messo in qualche aprension,
     175Che quel galioto
     Gabia la rea intenzion
     De magnarghele tute de capoto,
     Ghe scrive con calor più d'un biglieto,
     Nè vedendolo ancora a capitar
     180Se ghe aumenta el sospeto
     Che l'abia stabilio de no pagar,
     Tantochè se risolve de andar lu
     In cerca de culù,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/116&oldid=58092"