Pagina:Pronostici e versi di Camillo Nalin 1.djvu/86

Da Wikisource
Sta pagina la xe stà trascrita, ma la gà ancora da vegner rileta.

Figure ridicule
     Che sempre va in ziro,
     Che spuzza da mamara
     Da tor el respiro,
Anedoti insipidi,
     Bomò co la barba,
     Gran sughi de pampani,
     Gran goti de garba;
Abuso de fritole,
     De brodi tirai,
     Gran vini de scopolo
     Per forza donai,
Patemi de animo,
     Intachi amorosi,
     Gran femene intropiche,
     Gran urti nervosi,
Tripudio de tonici,
     Consumo de mana,
     Unzion de mercurio,
     E gran cassia in cana;
Le mode dei omeni
     Sarà stravaganti,
     Le calze a mosaico,
     De bulgaro i guanti,
Stivai co la racola,
     Botoni de vero,
     Barete col manego,
     Mustachi a pavero,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/86&oldid=57336"