Pagina:Pronostici e versi di Camillo Nalin 1.djvu/85

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


El pesce scarsissimo,
     E a prezzo ecedente,
     Ma sepe grandissime
     Per poco per gnente,
Mancanza sensibile
     De ogni carname,
     Ma molto salvadego,
     Ma grosso el polame,
Cucagna de dindio,
     Dureto ma bon,
     Porcei senza numero
     In ogni stagion,
Cavali scancanici
     Che stà suso apena,
     Ma pezzi de aseno
     Co tanto de schena;
I pulesi, i cimesi
     Sarà malegnasi,
     Mossati pochissimi,
     Ma gran papatasi,
No tarme, no rusole,
     Ma molti mosconi
     Che rasa, che incomoda
     Atorno i balconi;
Gran zente che specula
     In tuti i raporti;
     Caterve de zoveni
     Che fà i cascamorti;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/85&oldid=57335"