Pagina:Pronostici e versi di Camillo Nalin 1.djvu/68

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


I miera de paroli,
     E gnente che rido,
     Zogando co Venere
     Che à fato Cupido,
Narciso che a vederse
     Cambià ze in t'un fior,
     El fuso de Ercole
     Co el fava l'amor,
El terno belissimo
     Che alcuni sapienti
     Cavà ga dal pisolo
     Dei sete dormienti,
La strage che Ipolito
     De crudo genaro,
     Ga fato su l'anare
     Dessuso in ponaro,
La streta de spasemo
     Soferta da Europa
     Co Giove energumeno
     Se l'à tolta in gropa,
L'incontro gratissimo
     De roba salada
     Che ga avudo Sofocle
     Dabasso in intrada,
I do baracocoli
     Da Sardanapalo
     A Numa Pompilio
     Mandai de regalo,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/68&oldid=57314"