Pagina:Pronostici e versi di Camillo Nalin 1.djvu/67

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


I omeni comodi
     Che vive in Turchia,
     I studi su l'otica
     De chi fa la spia,
L'incastro de l'ongia
     Nel deo menuelo,
     I rizzi salvadeghi
     Che sconde 'l capelo,
La steca da letere
     De Giulio assassin,
     El frinchete frinchete
     Che fa el mandolin,
El tichete tochete
     Che spesso fa el cuor,
     El punfete punfete
     Che fa el bataor,
El tinfete tanfete
     Che fa i marangoni,
     El schichete schiochete
     Che fa i postiglioni,
El plifete plafete
     Che fe le zavate,
     El trichete trachfete
     Che fa le culate,
La chiopa da sedese
     Che apena disnà
     Vitelio in t'un'atimo
     El s'à divorà,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/67&oldid=57312"