Pagina:Pronostici e versi di Camillo Nalin 1.djvu/347

Da Wikisource
Sta pagina la xe stà trascrita, ma la gà ancora da vegner rileta.

     Disposto a far desio,
     Senza pietà,
     De l'empio, de l'ardito,
     Che gavesse trovà
     Sconto in quel sito:
     Ma! no ghe ze nissun, no gh'è vivente,
     E no se move gnente;
     Vedo per altro in mezzo quei frantumi,
     Opera de ste man do mesi fa,
     I mii imensi volumi,
     Che gaveva butà
     In tanta so malora,
     Dai sorzi rosegai
     Drento e de fora,
     E convinto che gera el tananai
     Da ste bestie prodoto,
     Che ghe trovava gusto a rosegar
     Le mie fadighe megio del biscoto,
     Me so messo a esclamar:
     Oh! sorzi scelerati,
     Brutissimi animali,
     Che sè dei leterati
     Nemici capitali,
     Desidero che a un trato
     Finì barbari mostri in boca al gato,
     E che la providenza
     Estirpa de vualtri la semenza.
Passà po el simiton me so sentio,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/347&oldid=58077"