Pagina:Pronostici e versi di Camillo Nalin 1.djvu/346

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Dormir dies'ore senza mai voltarse.
Varda, ascolta, procura,
     E studia la maniera
     Più sicura
     De arivar a saver cossa che gera
     El strepito, el fracasso,
     Che gaveva sentio stando dabasso;
     No vedo anima nata,
     No so bon
     De capir la rason
     De quela malegnasa serenata.
Sorpreso, incerto, inquieto,
     Sospeso, duro e dreto,
     Resto come un stival,
     Quando che finalmente
     Me par de sentir zente,
     Opur qualche animal
     Che rosega, che becola,
     Indove, indovinè?.... nela mia specola.
Come za quarant'ani avaria fato,
     Se s'avesse tratà
     De la morosa,
     Con un colpo spietato,
     La porta ò sfracassà
     Come una nosa,
     E tuto in t'un mumento,
     Rabioso, inviperio,
     Co la bile sui lavri coro drento,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/346&oldid=58076"