Pagina:Pronostici e versi di Camillo Nalin 1.djvu/289

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Ma note da viagiar,
Parlando po de l'ano in general
     Non solamente
     No s'à mai dà l'egual,
     Ma assae dificilmente
     Uno compagno ghe ne vedarè
     Se campessi la vita de Noè;
     Difati el tempo bon,
     L'ordine regolar
     De le quatro stagion,
     El deve generar
     L'utile efeto,
     Che caneve, graneri e magazzeni,
     Sia tutiquanti pieni
     A marteleto,
     E che nassa panochie de sta peta,
     Anca dove che manco se se aspeta;
     Legumi, erbagi, fruti
     E spezialmente fien,
     Ghe ne sarà per tuti
     Da star ben;
     Ma de gnochi, de zuche, de meloni,
     Per altro poco boni,
     Una tal abondanza,
     Una cucagna,
     Che per quanto se magna
     Ghe ne avanza;
     Bestiame in quantità

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/289&oldid=58015"